Lənkəran Dövlət Universitetinin (LDU) “İqtisadiyyat və idarəetmə” fakültəsində komandalar arası intellektual yarış təşkil olunub.

Tehsil.biz xəbər verir ki, yarışa fakültənin bütün ixtisas və kurslarından tələbələr qatılıb. Bilik yarışmasının iştirakçılarına ixtisas, məntiq və vətənpərvərlik mövzusunda suallar təqdim olunub.

Fakültə dekanı dos.Gülbəniz Əliyeva komandalara  uğurlar arzulayaraq intelektual yarışların tələbələrin bilik və bacarıqlarının nümayiş olunmasında böyük rol oynadığını qeyd edib.

Gərgin və olduqca maraqlı keçən  yarışmada I, II, III yer tutan komandalar Lənkəran Dövlət Universitetinin rəhbərliyi tərəfindən fəxri fərman, təşəkkürnamə, medal və kubokla təltif olunublar.